ആലത്തൂർ: ബാങ്ക് റോഡ് ഭാഗത്ത് ബൈക്കുകൾ കൂട്ടിയിടിച്ച് ബൈക്ക് യാത്രികൻ ലോറിക്കടിയിലേക്ക് വീണ് മരിച്ചു. തോണിപ്പാടം മാട്ടുമല മദീന മൻസിലിൽ പരേതനായ മൂസയുടെ മകൻ അബ്ദുൽ സലീം (48) ആണ് മരിച്ചത്. ഫർസിൻ മൊയ്തീൻ എന്നയാൾ ഓടിച്ച ബൈക്കിനുപിന്നിൽ യാത്ര ചെയ്യുകയായിരുന്നു മരിച്ച അബ്ദുൽ സലീം. ഇവർ സഞ്ചരിച്ച ബൈക്ക് ലോറിയെ മറികടക്കുന്നതിനിടയിൽ എതിരെ വന്ന മറ്റൊരു ബൈക്കുമായി കൂട്ടിയിടിച്ച് ലോറിക്കടിയിേലക്ക് വീഴുകയായിരുന്നു. എതിരെ വന്ന ബൈക്കിലെ യാത്രക്കാരായ തെന്നിലാപുരം സ്വദേശികളായ സജിൻ (22) ശരൺകുമാർ (25) എന്നിവർക്കും ഫർസിൻ മൊയ്തീനും നിസാര പരിക്കേറ്റു. ആലത്തൂർ ടൗണിൽ വ്യാപാര സ്ഥാപനത്തിലെ ജോലിക്കാരനാണ് അബ്ദുൽ സലീം. മൃതദേഹം ആലത്തൂർ താലൂക്കാശുപത്രി മോർച്ചറിയിൽ. തിങ്കളാഴ്ച പോസ്റ്റ്മോർട്ടത്തിന് ശേഷം ഖബറടക്കും. മാതാവ്: പരേതയായ ചെല്ലമ്മാൾ. ഭാര്യ: മുംതാസ്. മക്കൾ: മുഹമ്മദ് ഷിഫാൻ, മുഹമ്മദ് ഷിഫാസ്. സഹോദരങ്ങൾ: അബ്ദുറഹ്മാൻ, ആമിന, പരേതരായ ഇബ്രാഹിം, സുലൈമാൻ.
