കോന്നി: 12 വയസ്സുകാരിയെ വീടിനുള്ളിൽ മരിച്ചനിലയിൽ കണ്ടെത്തി. കലഞ്ഞൂർ ഇടത്തറ ഇടിഞ്ഞകുഴി പ്ലാവിളയിൽ സജി-റീന ദമ്പതികളുടെ മകൾ സാവനയാണ് മരിച്ചത്. മുറിയിൽ തൂങ്ങിയ നിലയിലായിരുന്നു മൃതദേഹം. വീടിന് മുകൾനിലയിലേക്ക് കയറിപ്പോയ സാവന കതക് തുറക്കാതെവന്നതോടെ വീട്ടുകാർ പൊളിച്ച് അകത്തുകയറിയപ്പോൾ മരിച്ചനിലയിൽ കണ്ടെത്തുകയായിരുന്നെന്നാണ് ബന്ധുക്കൾ നൽകിയ മൊഴി. പോസ്റ്റ്മോർട്ടം റിപ്പോർട്ടിന് ശേഷമേ കൂടുതൽ വിവരങ്ങൾ ലഭ്യമാകൂ. മൃതദേഹം അടൂരിലെ സ്വകാര്യ മെഡിക്കൽ കോളജ് ആശുപത്രിയിലേക്ക് മാറ്റി. മൗണ്ട് സിയോൺ സ്കൂളിലെ ആറാംക്ലാസ് വിദ്യാർഥിനിയാണ്.
