കോട്ടക്കൽ: പ്രായാധിക്യത്തെ തുടർന്ന് ചികിത്സയിലിരുന്നയാൾ കോവിഡിനെ തുടർന്ന് മരിച്ചു. ചങ്കുവെട്ടിക്കുണ്ട് കല്ലന്‍ കുന്നന്‍ മുഹമ്മദ് എന്ന ബാവയാണ് (76) മരിച്ചത്. മഞ്ചേരി മെഡിക്കൽ കോളജിൽ ചികിത്സയിലായിരുന്നു. കോട്ടക്കൽ മുസ്ലിം ലീഗ് നേതൃനിരയിൽ സജീവമായിരുന്നു. ചങ്കുവെട്ടിക്കുണ്ട് മിസ്ബാഹുല്‍ ഇസ്ലാം സംഘം മഹല്ല് ട്രഷററാണ്. ദീര്‍ഘകാലം മഹല്ല് ജോയൻറ് സെക്രട്ടറിയായും വൈസ് പ്രസിഡൻറായും കോട്ടക്കല്‍ സർവിസ് ബാങ്ക് ഡയറക്ടറായും സഹകരണ ഹോസ്പിറ്റല്‍ ഡയറക്ടറായും പ്രവര്‍ത്തിച്ചു.
ഭാര്യമാര്‍: ജമീല, പരേതയായ പാത്തുമ്മക്കുട്ടി. മക്കള്‍: ആമിനു, സിദ്ദീഖ്, മുസ്തഫ, ആയിശാബി, ഇസ്മായില്‍, സീനത്ത്, അസ്കര്‍, മെഹറുന്നീസ. മരുമക്കള്‍: കമ്മു, മുഹമ്മദാലി, അന്‍വര്‍, സാദത്ത്, നാസര്‍, സലീന, ഫാത്തിമ, സെമീറ, സെറീന.
