ആറാട്ടുപുഴ: വിദ്യാർഥിനി പല്ലനയാറ്റിൽ ചാടി മരിച്ചു. തൃക്കുന്നപ്പുഴ പല്ലന മഠത്തിൽ സുമേഷിെൻറ മകൾ ഗൗരി നന്ദനയാണ് (15) മരിച്ചത്. പുറക്കാട് എസ്.എൻ.എം ഹയർ സെക്കൻഡറി സ്കൂൾ 10ാം ക്ലാസ് വിദ്യാർഥിനിയാണ്.വെള്ളിയാഴ്ച ഉച്ചക്ക് രണ്ടരയോടെ പല്ലന കുമാരനാശാൻ സ്മാരകത്തിനടുത്ത കുമാരകോടി പാലത്തിൽനിന്ന് ആറ്റിലേക്ക് ചാടുകയായിരുന്നു. സോപ്പ് വാങ്ങാനാണെന്ന് പറഞ്ഞാണ് വീട്ടിൽനിന്ന് ഇറങ്ങിയത്. നാട്ടുകാരും പൊലീസും അഗ്നിരക്ഷാസേനയും ഹരിപ്പാട് എമർജൻസി റെസ്ക്യൂ ടീം പ്രവർത്തകരും സംയുക്തമായി നടത്തിയ തിരച്ചിലിനൊടുവിൽ 3:30 ഓടെയാണ് മൃതദേഹം കണ്ടെടുത്തത്. മാതാവ്: അമ്പിളി. മൃതദേഹം ഹരിപ്പാട് സർക്കാർ ആശുപത്രി മോർച്ചറിയിൽ.
