നെടുങ്കണ്ടം: തേക്കടി-മൂന്നാർ സംസ്ഥാനപാതയിൽ ബൈക്കും കാറും കൂട്ടിയിടിച്ച് ബൈക്കിൽ സഞ്ചരിച്ച സിവിൽ പൊലീസ് ഓഫിസർ മരിച്ചു. നെടുങ്കണ്ടം താന്നിമൂട് വടക്കേ ചൂഴിയാങ്കൽ വീട്ടിൽ വിജയെൻറ മകൻ ബിനീഷ് കുമാറാണ് (34) മരിച്ചത്. വ്യാഴാഴ്്ച രാത്രി 9.30ഓടെ നെടുങ്കണ്ടം സെൻട്രൽ ജങ്ഷനിലായിരുന്നു അപകടം.ഉടുമ്പൻചോല പൊലീസ് സ്റ്റേഷനിലെ സിവിൽ പൊലീസ് ഓഫിസറായ ബിനീഷ് സഞ്ചരിച്ചിരുന്ന ബൈക്ക് കാറുമായി കൂട്ടിയിടിക്കുകയായിരുന്നു. കിഴക്കേകവലയിൽനിന്ന് പടിഞ്ഞാറെ കവലയിലേക്ക് ബൈക്കിൽ പോകുമ്പോഴായിരുന്നു അപകടം. നെടുങ്കണ്ടത്തെയും കട്ടപ്പനയിലെയും സ്വകാര്യ ആശുപത്രികളിൽ പ്രവേശിപ്പിെച്ചങ്കിലും പരിക്ക് ഗുരുതരമായിരുന്നതിനാൽ മറ്റേതെങ്കിലും ആശുപത്രിയിൽ കൊണ്ടുപോകാൻ നിർദേശിക്കുകയായിരുന്നു.തുടർന്ന്് രാജഗിരി ആശുപത്രിയിൽ പ്രവേശിപ്പിെച്ചങ്കിലും വെള്ളിയാഴ്്ച ഉച്ചക്ക്് മരിച്ചു. നെടുങ്കണ്ടം പൊലീസ് നടപടി സ്വീകരിച്ചു. മാതാവ്: ശ്യാമള. ഭാര്യ: അംബിക. ഏകമകൻ: ആദിപ്. സഹോദരൻ: വിഷ്ണു. സംസ്കാരം ശനിയാഴ്ച രാവിലെ 11ന് വീട്ടുവളപ്പിൽ.
