മരട്: സ്കൂട്ടർ ഇടിച്ച് പരിക്കേറ്റ് ചികിത്സയിലിരുന്ന റിട്ട. ബാങ്ക് ഉദ്യോഗസ്ഥൻ മരിച്ചു. പൂണിത്തുറ പന്തിയിൽ മഠത്തിൽ വിദ്യാസാഗർ (ഈശ്വരൻ -74) ആണ് മരിച്ചത്. ആഗസ്റ്റ് 30ന് പുലർച്ച ക്ഷേത്രദർശനത്തിന് പോയപ്പോൾ വീടിന് മുന്നിൽവെച്ച് സ്കൂട്ടർ ഇടിച്ച് റോഡിൽ വീണ് തലക്ക് ഗുരുതര പരിക്കേൽക്കുകയായിരുന്നു. യൂകോ ബാങ്ക് റിട്ട. ഉദ്യോഗസ്ഥനും ദീർഘകാലം മരട് തെക്കെ ചേരുവാരം ഭാരവാഹിയുമായിരുന്നു. ഭാര്യ: ഉഷ (റിട്ട. ബാങ്ക് ഓഫ് ഇന്ത്യ). മക്കൾ: ശ്രീജ, ശുഭ. മരുമക്കൾ: വിനോദ്, മനോജ്.
