വാഹനം കിട്ടാതെ 10 മിനിറ്റോളം റോഡിൽ കിടന്നുശാസ്താംകോട്ട: ഭർത്താവിനൊപ്പം സ്കൂട്ടറിൽ യാത്ര ചെയ്യുകയായിരുന്ന ബാങ്ക് ഉദ്യോഗസ്ഥ അമിതവേഗത്തിലെത്തിയ കാറിടിച്ച് മരിച്ചു. പോരുവഴി ഇടക്കാട് മലനട ശ്രീനിലയത്തിൽ ശ്രീബാലെൻറ ഭാര്യ ബീന (48) ആണ് മരിച്ചത്. ആശുപത്രിയിലെത്തിക്കാൻ വാഹനം കിട്ടാതെ, ഗുരുതരമായി പരിക്കേറ്റ ബീന പത്ത് മിനിറ്റോളം അപകടസ്ഥലത്ത് കിടന്നിരുന്നു.ഞായറാഴ്ച രാവിലെ ഏഴോടെ ചക്കുവള്ളി ടൗണിലാണ് അപകടം. ഭരണിക്കാവിൽ നിന്ന് താമരക്കുളം ഭാഗത്തേക്ക് പോയതാണ് കാർ. മലനട റോഡിൽ നിന്ന് ചക്കുവള്ളി ടൗണിലേക്ക് കയറുകയായിരുന്നു ശ്രീബാലൻ ഓടിച്ചിരുന്ന ഇരുചക്രവാഹനം. ഇരുവരെയും കാർ ഇടിച്ചുതെറിപ്പിക്കുകയായിരുന്നു. ശ്രീബാലനെ പിന്നാലെ എത്തിയ ഒരു കാറിൽ ഉടൻ തന്നെ ആശുപത്രിയിലേക്ക് കൊണ്ടുപോയി. ബീനയെ ആശുപത്രിയിലെത്തിക്കാൻ പത്ത് മിനിറ്റ് കഴിഞ്ഞാണ് കാർ കിട്ടിയത്.കരുനാഗപ്പള്ളി സർവിസ് സഹകരണ ബാങ്കിലെ ജീവനക്കാരിയാണ് ബീന. മക്കൾ: ശ്രീന, ശ്രീനാഥ്.ശ്രീബാലനെ കൊല്ലത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.
