മുണ്ടക്കയം ഈസ്റ്റ്: നിയന്ത്രണം വിട്ട ഓട്ടോറിക്ഷ മറിഞ്ഞ് വയോധികന്‍ മരിച്ചു. മതമ്പ, പുതുപ്പറമ്പില്‍ വേലുസാമിയാണ് (73) മരിച്ചത്. വ്യാഴാഴ്ച ഉച്ചക്ക് രണ്ടോടെ കണയങ്കവയല്‍ മതമ്പ റോഡിലായിരുന്നു അപകടം. ബ്രേക്ക് നഷ്ടപ്പെട്ട ഓട്ടോ ഇരുപതടി താഴ്ചയിലേക്ക് മറിയുകയായിരുന്നു. ഗുരുതരമായി പരിക്കേറ്റ ഇയാളെ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഓട്ടോ റിക്ഷയിലുണ്ടായിരുന്നു മറ്റു മൂന്നുപേര്‍ പരിക്കുകളില്ലാതെ രക്ഷപ്പെട്ടു. കാഞ്ഞിരപ്പള്ളി ജനറല്‍ ആശുപത്രിയില്‍ പോസ്റ്റുമോര്‍ട്ടത്തിനുശേഷം ശനിയാഴ്ച വീട്ടുവളപ്പില്‍ സംസ്‌കരിക്കും. ഭാര്യ: മാല. മക്കള്‍: ബിജി, ബിനു.
