തൂക്കുപാലം: രാമക്കൽമേട് തോവാളപ്പടിയിൽ മധ്യവയസ്കൻ വൈദ്യുതാഘാതമേറ്റ് മരിച്ചു. തോവാളപ്പടി ബ്ലോക്ക് നമ്പർ 712ൽ (നാരകതോട്ടിൽ) കെ.സി. സജനാണ് (52) സ്വന്തം കൃഷിസ്ഥലത്ത് മരിച്ചത്. ഞായറാഴ്ച ഉച്ചക്ക് ഒന്നോടെ ഭാര്യ കനകമ്മ ഉച്ചഭക്ഷണവുമായി പണിസ്ഥലത്ത് എത്തിയപ്പോഴാണ് ഭർത്താവ് അബോധാവസ്ഥയിൽ കിടക്കുന്നത് കണ്ടത്. നെടുങ്കണ്ടം പൊലീസ് കേസെടുത്തു. മൃതദേഹം കട്ടപ്പന സ്വകാര്യ ആശുപത്രി മോർച്ചറിയിൽ. മക്കൾ: അഞ്ജു, ആശ. മരുമകൻ: സജിത്ലാൽ.
