പാലാ: വലവൂര്‍ നെല്ലാനിക്കാട്ടുപാറ ഈന്തുംകുന്നേല്‍ മനോജിനെ (50) കുളത്തിൽ മരിച്ചനിലയിൽ കണ്ടെത്തി. കഴിഞ്ഞ ദിവസം വൈകീട്ട് വലവൂര്‍ ടൗണിന് സമീപത്തുള്ള കുളത്തല്‍ കുളിക്കാനിറങ്ങിയത് ആളുകള്‍ കണ്ടിരുന്നു. പിന്നീട് കാണാതായതിനെത്തുടര്‍ന്ന് നടത്തിയ അന്വേഷണത്തില്‍ കുളക്കടവില്‍ വസ്ത്രങ്ങള്‍ കണ്ടെത്തി. അഗ്നിരക്ഷാസേന നടത്തിയ തിരച്ചിലിലാണ് മൃതദേഹം കണ്ടത്.വലവൂരിലെ ചുമട്ടു തൊഴിലാളിയായിരുന്നു. പരേതനായ നാരായണെൻറയും പെണ്ണമ്മയുടെയും മകനാണ്. സഹോദരങ്ങള്‍: ഉഷാകുമാരി, ബിനോജ്.
