കൊടുങ്ങല്ലൂർ: പുല്ലൂറ്റ് ചാപ്പാറയിൽ എലിപ്പനി ബാധിച്ച് മരിച്ച ഗൃഹനാഥന് കോവിഡ് സഥിരീകരിച്ചു. ചാപ്പാറ മുരളിക്കുന്ന് ദേശത്ത് താമസിക്കുന്ന കുക്കാടി ഭഗവതീയെൻറ മകൻ രാധാകൃഷ്ണനാണ് (57) കോട്ടയം മെഡിക്കൽ കോളജ് ആശുപത്രിയിൽ തിങ്കളാഴ്ച മരിച്ചത്.എലിപ്പനി ബാധിച്ചതിനെ തുടർന്ന് കൊടുങ്ങല്ലൂർ താലൂക്ക് ആശുപത്രിയിലും പിന്നീട് കളമശ്ശേരി മെഡിക്കൽ കോളജ് ആശുപത്രിയിലും പ്രവേശിപ്പിച്ചിരുന്നുവെങ്കിലും ഗുരുതരാവസ്ഥയിൽ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റുകയായിരുന്നു. അവിടെ വെച്ചാണ് കോവിഡ് സ്ഥിരീകരിച്ചത്. സംസ്കാരം ചൊവ്വാഴ്ച കൊടുങ്ങല്ലൂർ മുനിസിപ്പൽ ക്രിമിറ്റോറിയത്തിൽ നടക്കും. ഭാര്യ: ആശ (ബേബി). മക്കൾ: ആതിര, ആരതി, അഭിരാമി. മരുമകൻ: അഭിജിത്ത്.