ചങ്ങനാശേരി: സി.എം.ഐ തിരുവനന്തപുരം സെൻറ് ജോസഫ് പ്രോവിന്സിലെ മുഹമ്മ നസ്രത്ത് കാര്‍മല്‍ആശ്രമം അംഗം ഫാ. ജോസഫ് ചിറയില്‍ സി.എം.ഐ (86) നിര്യാതനായി. പരേതന്‍ കാവാലം ചിറയില്‍ കൊച്ചുതൊമ്മന്‍- മറിയാമ്മ ദമ്പതികളുടെ മകനാണ്.
പ്രശസ്ത വചന പ്രഘോഷകനും ഗ്രന്ഥകാരനുമായിരുന്ന ഫാ. ജോസഫ് ചിറയില്‍ ചെത്തിപ്പുഴ ക്രിസ്തുേജ്യാതി ഹയര്‍സെക്കന്‍ഡറി സ്‌കൂളിെൻറ പ്രഥമ പ്രിന്‍സിപ്പലായിരുന്നു. പ്രോവിന്ഷ്യല് കൗണ്‍സിലംഗം, ചാവറ കള്‍ചറല്‍ സെൻറര്‍ ഡയറക്ടര്‍, ഹോപ്പ് ഇൻറര്‍ നാഷനല്‍ സൊസൈറ്റി ഡയറക്ടര്‍, തിരുവനന്തപുരം പ്രൊവിന്സിന് കീഴിലുള്ള കന്യാകുമാരി റീജണ്‍ സുപ്പീരിയര്‍, തമിഴ്‌നാട്ടിലെയും കേരളത്തിത്തെയും വിവിധ ആശ്രമങ്ങളുടെ സുപ്പീരിയര്‍ എന്നീ നിലകളിലും സേവനം അനുഷ്ഠിച്ചിട്ടുണ്ട്. സംസ്‌കാരം വ്യാഴാഴ്ച്ച ഉച്ചക്ക് 2.30ന് ചെത്തിപ്പുഴ തിരുഹൃദയ ആശ്രമം പള്ളിയില്‍.
