ആനക്കര: കപ്പൂർ പഞ്ചായത്തിലെ കൊള്ളന്നൂർ യാറത്തിന് സമീപം നിര്ത്തിയിട്ട ലോറിയുടെ പിറകില് ബൈക്കിടിച്ച് യുവാവ് മരിച്ചു. നാഗലശ്ശേരി വടക്കേ കോതച്ചിറ മലയംചാത്ത് കളരിക്കൽ വീട്ടിൽ ശിവശങ്കരെൻറ മകൻ ബാലചന്ദ്രനാണ് (35) മരിച്ചത്. ചൊവ്വാഴ്ച പുലർച്ച അഞ്ചിനായിരുന്നു അപകടം. എടപ്പാൾ ഭാഗത്തേക്ക് പോവുകയായിരുന്ന ബാലചന്ദ്രൻ സഞ്ചരിച്ച ബൈക്ക് റോഡിലേക്ക് കയറ്റി നിർത്തിയിട്ടിരുന്ന കോഴി ലോറിയിൽ ഇടിക്കുകയായിരുന്നു. ലോറി പാർക്ക് ലൈറ്റ് ഇടാതെയാണ് നിർത്തിയിട്ടിരുന്നതെന്ന് നാട്ടുകാർ പറഞ്ഞു.