തൃക്കുന്നപ്പുഴ: കഴിഞ്ഞദിവസം പതിയാങ്കര പള്ളിമുക്കിന് പടിഞ്ഞാറ് കടൽതീരത്ത് കണ്ടെത്തിയ മൃതദേഹം തിരിച്ചറിഞ്ഞു.തോട്ടപ്പള്ളി കോസ്റ്റൽ െപാലീസ് സ്റ്റേഷന് സമീപം താമസിക്കുന്ന പുറക്കാട് പഞ്ചായത്ത് 10ാം വാർഡ് പടിഞ്ഞാറേപറമ്പിൽ സുകുമാരനാണ് (84) മരിച്ചത്. മകളുടെ വീട്ടിൽ പോകുന്നുവെന്ന് പറഞ്ഞ് വീട്ടിൽ നിന്നിറങ്ങിയ സുകുമാരനെ കാണാതാവുകയായിരുന്നു. ചൊവ്വാഴ്ച രാവിലെ ഏഴോടെയാണ് പതിയാങ്കര കടൽതീരത്ത് മൃതദേഹം കണ്ടത്. ആലപ്പുഴ മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
