കോട്ടയം: ഓട്ടോറിക്ഷ നിയന്ത്രണംവിട്ട് മറിഞ്ഞ് പരിക്കേറ്റ് ചികിത്സയിലായിരുന്ന ഡ്രൈവർ മരിച്ചു. ചാന്നാനിക്കാട് ഇടയാടി മാലത്ത് മനോജ് തോമസാണ് (52) മരിച്ചത്. കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ഞായറാഴ്ച രാവിലെ ഒമ്പതോടെ ചിങ്ങവനം- പരുത്തുംപാറ റോഡിൽ സായിപ്പ് കവലക്ക് സമീപമായിരുന്നു അപകടം. ഓട്ടോറിക്ഷയുടെ അടിയിൽപെട്ട് കിടന്ന മനോജിനെ നാട്ടുകാരാണ് ആശുപത്രിയിലെത്തിച്ചത്.
