വൈക്കം: ഒമ്നിവാനും സ്കൂട്ടറും കൂട്ടിയിടിച്ച് ഗൃഹനാഥൻ മരിച്ചു. കൂടെയുണ്ടായിരുന്ന ഒരാൾക്ക് ഗുരുതര പരിക്കേറ്റു. മറവൻതുരുത്ത് ദ്വാരകയിൽ സുരേഷ് കുമാറാണ് (54) മരിച്ചത്. വെള്ളൂർ കരിപ്പാടം അക്കായിപാടത്ത് അകാശ് സജീവിനെ (18) ചെമ്മനാകരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച വൈകീട്ട് ആറിന് ഉദയനാപുരം കാരുവള്ളിപ്പടിക്ക് സമീപമാണ് അപകടം. പെയിൻറിങ് ജോലി കഴിഞ്ഞ് മടങ്ങിയ സുരേഷും ആകാശും സഞ്ചരിച്ച സ്കൂട്ടർ എറണാകുളത്തുനിന്ന് വെച്ചൂരിലേക്ക് വന്ന ഒമ്നി വാനുമായി കൂട്ടിയിടിക്കുകയായിരുന്നു. ഇരുവരെയും അഗ്നിരക്ഷാസേനയുടെയും നാട്ടുകാരുടെയും സഹായത്തോടെ വൈക്കം താലൂക്ക് ആശുപത്രിയിൽ എത്തിച്ചു.
പ്രഥമശുശ്രൂഷക്കുശേഷം സുരേഷിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിൽ. ഭാര്യ: ഇന്ദിര. മക്കൾ: രശ്മി, രഞ്ജിനി.
