ചാവക്കാട്: വെൽഫെയർ പാർട്ടി കടപ്പുറം പഞ്ചായത്ത്‌ പ്രസിഡൻറ് ഖാലിദ് കടവിൽ (68) നിര്യാതനായി. വെൽഫെയർ പാർട്ടി രൂപവത്കരണ കാലം മുതൽ സജീവ പ്രവർത്തകനും മൂന്നുവർഷമായി പാർട്ടിയുടെ പഞ്ചായത്ത്‌ പ്രസിഡൻറുമാണ്. കടപ്പുറം ഫിഷറീസ് യു.പി സ്കൂൾ, ഗവ. സ്കൂൾ എക്സിക്യൂട്ടിവ്, അൻസാർ മസ്ജിദ് കമ്മിറ്റി എന്നിവയിലും അംഗമായിരുന്നു. ഹൃദയ സംബന്ധമായ അസുഖത്തിന് തൃശൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. മരണത്തെ തുടർന്ന് നടത്തിയ പരിശോധനയിൽ കോവിഡ് സ്ഥിരീകരിച്ചു. കോവിഡ് പ്രോട്ടോകോൾ അനുസരിച്ച് ഖബറടക്കം നടത്തി. ഭാര്യമാർ: റുഖിയ്യ, പരേതയായ കുഞ്ഞു ബീപാത്തു. മക്കൾ: ഖൈസ്, താരിഖ്, സഫ. മരുമക്കൾ: അഫീഫ, അമീന.
