കോലഴി: പണിക്കവീട്ടിൽ ഗോപാലകൃഷ്ണൻ (74) കോവിഡ് ബാധിച്ച് മരിച്ചു. സ്വകാര്യ ആശുപത്രിയിൽ ചികിത്സയിലായിരുന്നു. ബുധനാഴ്ച രാവിലെയാണ് മരിച്ചത്. കോവിഡ് പ്രോട്ടോകോൾ പ്രകാരം സംസ്കാരം നടത്തി. കോൺഗ്രസ് പ്രവർത്തകനായിരുന്നു. ഭാര്യ: ജാനകി. മക്കൾ: ഭാഗ്യലക്ഷ്മി, പരേതയായ ഗീത. മരുമകൻ: ജയപ്രകാശ്.
കയ്പമംഗലം: കൂരിക്കുഴി 18 മുറി സ്വദേശി തിണ്ടിക്കൽ ഇബ്രാഹിമിെൻറ മകൻ മുഹമ്മദ് ഷാജി (45) കോവിഡ് ബാധിച്ച് മരിച്ചു. കൊടകരയിൽ മത്സ്യ കച്ചവടക്കാരനായ മുഹമ്മദ് ഷാജിക്ക് ഒക്ടോബർ 31നാണ് കോവിഡ് സ്ഥിരീകരിച്ചത്. വീട്ടിൽ തന്നെ ക്വാറൻറീനിൽ കഴിയുന്നതിനിടെ തിങ്കളാഴ്ച രാത്രി ചുമയും ശ്വാസതടസ്സവും അനുഭവപ്പെട്ടതിനെ തുടർന്ന് കൊടുങ്ങല്ലൂർ താലൂക്ക് ആശുപതിയിൽ ചികിത്സ തേടി തിരികെ വന്നിരുന്നു. ചൊവ്വാഴ്ച രാവിലെ വീണ്ടും ശ്വാസതടസ്സം അനുഭവപ്പെട്ടതിനെ തുടർന്ന് തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. എന്നാൽ, രാത്രി പത്തോടെ മരിക്കുകയായിരുന്നു. മാതാവ്: ഹലീമ. ഭാര്യ: സാബിത. മക്കൾ: തൻസിയ, യാസീൻ.