മൂന്നാർ: മാട്ടുപ്പെട്ടി കബനി പെട്രോൾ പമ്പിന് സമീപമുണ്ടായ ബൈക്കപകടത്തിൽ യുവാവ് മരിച്ചു. ആലുവ യു.സി കോളജിന് സമീപം കീനംകുളത്തിൽ വീട്ടിൽ ചന്ദ്രെൻറ മകൻ എസ്. അഖിലാണ് (26) മരിച്ചത്. ബുധനാഴ്ച ഉച്ചയോടെയായിരുന്നു അപകടം. ആലുവ ദേശം എ.ടി.എസ് ഹോണ്ട കമ്പനിയിൽ ജോലി ചെയ്യുന്ന അഖിൽ മാട്ടുപ്പെട്ടി സന്ദർശനം പൂർത്തിയാക്കി മൂന്നാറിലേക്ക് മടങ്ങവെ എതിരെ വന്ന ബസിൽ ഇടിക്കുകയായിരുന്നു. ഗുരുതര പരിക്കേറ്റ യുവാവിനെ മൂന്നാർ ജനറൽ ആശുപത്രിയിലെത്തിച്ച് പ്രാഥമിക ചികിത്സ നൽകിയശേഷം വിദഗ്ധ ചികിത്സക്ക് എറണാകുളത്തേക്ക് കൊണ്ടുപോകുന്നതിനിടെ മരിച്ചു. മൃതദേഹം അടിമാലി ആശുപത്രി മോർച്ചറിയിൽ. മാതാവ്: മിനി. സഹോദരന്‍: നിഖില്‍.
