പൂത്തൂര്: കൊലക്കേസിലെ പ്രതിയെ തൂങ്ങിമരിച്ച നിലയില് കണ്ടെത്തി. ചെമ്പംകണ്ടം സ്വദേശി മുണ്ടയ്ക്കല് വീട്ടില് സുരേഷിനെയാണ് (സുര-40) വീടിന് സമീപത്തെ മരത്തില് തൂങ്ങിമരിച്ച നിലയില് കണ്ടെത്തിയത്. 2003ല് കൊടകര സ്റ്റേഷന് പരിധിയില് നടന്ന കോലക്കേസിലെ പ്രതിയായ സുരേഷ് കോവിഡിെൻറ പശ്ചാത്തലത്തില് പരോള് ലഭിച്ച് വീട്ടിലെത്തിയതായിരുന്നു. ഇതിനിടെ സമീപത്തെ രണ്ടു സ്ത്രീകളെ തലക്ക് ടോര്ച്ച്കൊണ്ട് അടിച്ചെന്ന പരാതിയില് സുരേഷിനെതിരെ ഒല്ലൂര് പൊലീസ് കേസെടുത്ത് അന്വേഷിച്ചെത്തിയെങ്കിലും കണ്ടെത്താന് കഴിഞ്ഞിരുന്നില്ല. വ്യാഴാഴ്ച രാവിലെയാണ് മരിച്ചനിലയില് കണ്ടെത്തിയത്. തഹസില്ദാര് റഫീക്കിെൻറ സാന്നിധ്യത്തില് ഇന്ക്വസ്റ്റ് തയാറാക്കി പോസ്റ്റ്മോര്ട്ടത്തിനുശേഷം നടത്തി ബന്ധുക്കള്ക്ക് വിട്ടുനല്കി. അവിവാഹിതനാണ്. അടുത്തമാസം ശിക്ഷാകാലാവധി പൂര്ത്തിയാകാനിരിക്കെയാണ് ആത്മഹത്യ ചെയ്തനിലയിൽ കണ്ടെത്തിയത്.