മുളങ്കുന്നത്തുകാവ്: ഗവ. മെഡിക്കൽ കോളജ് ആശുപത്രിയിൽ ജീവനക്കാരനെ തൂങ്ങിമരിച്ച നിലയിൽ കണ്ടെത്തി. പുതുക്കാട് ചെങ്ങാലൂർ രണ്ടാം കല്ല് കൃഷിഭവന് സമീപം വയ്യാട്ട് വീട്ടിൽ മനോഹരെൻറ മകൻ വി.എം. സജീവ് (39) ആണ് മരിച്ചത്. ഗ്രേഡ് 2 അറ്റൻഡറാണ്. വ്യാഴാഴ്ച രാവിലെ 11ഓടെ പഴയ ന്യൂറോ സർജറി ഐ.സി.യു വിശ്രമ മുറിയിലാണ് ആത്മഹത്യ ചെയ്ത നിലയിൽ കണ്ടെത്തിയത്. ബുധനാഴ്ച രാത്രി കോവിഡ് ഡ്യൂട്ടി ഉണ്ടായിരുന്നെങ്കിലും ജോലിക്ക് കയറിയിരുന്നില്ല. മാതാവ്: രാജലക്ഷ്മി. ഭാര്യ: ഷീജ. മക്കൾ: ഗൗരി, ഗാഥാ. സഹോദരി: സന്ധ്യ.