കൊടുങ്ങല്ലൂർ: കൊടുങ്ങല്ലൂരിൽ സ്വകാര്യ ബസും മിനിലോറിയും കൂട്ടിയിടിച്ച് മിനിലോറി ഡ്രൈവർ മരിച്ചു. അവിട്ടത്തൂർ സ്വദേശി പുതുശ്ശേരി പെരെപ്പാടൻ ദേവസ്സിയുടെ മകൻ സാവിയോ (സാബു-50) ആണ് മരിച്ചത്. കൊടുങ്ങല്ലൂർ-തൃശൂർ റോഡിൽ പുല്ലൂറ്റ് നാരായണമംഗലത്തായിരുന്നു അപകടം. തകർന്ന മിനിലോറിയിൽനിന്ന് അഗ്നിരക്ഷാസേനയും നാട്ടുകാരും ചേർന്ന് ഏറെ പണിപ്പെട്ടാണ് മൃതദേഹം പുറത്തെടുത്തത്. തിരുകുടുംബം ടൂർസ് ആൻഡ് ട്രാവൽസ് ഉടമയാണ്. ഭാര്യ: എബി. മക്കൾ: സാന്ദ്ര, എഡ്വിൻ.