അടിമാലി: ബൈസൺവാലി ടീ കമ്പനിയിൽ ഒാട്ടോറിക്ഷ മറിഞ്ഞ് ഡ്രൈവർ മരിച്ചു. ടീ കമ്പനി മേട്ടേൽ ജയറാമാണ് (36) മരിച്ചത്. ബുധനാഴ്ച വൈകീട്ടാണ് അപകടം. ജയറാം ഓടിച്ച ഓട്ടോ കയറ്റം കയറുന്നതിനിടെ മറിയുകയായിരുന്നു. ഇതിനടിയിൽപ്പെട്ട ഇയാളെ നാട്ടുകാർ ചേർന്ന് പുറത്തെടുത്ത് അടിമാലിയിലെ ആശുപത്രിയിൽ എത്തിച്ചു. പുറമെ പരിക്കൊന്നും ഉണ്ടായിരുന്നില്ലെങ്കിലും നില വഷളായതിനെത്തുടർന്ന് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രാത്രിയോടെ ഗുരുതരാവസ്ഥയിലെത്തുകയും മരണപ്പെടുകയുമായിരുന്നു. രാജാക്കാട് പൊലീസ് നടപടി സ്വീകരിച്ചു. മെഡിക്കൽ കോളജിൽ സൂക്ഷിച്ച മൃതദേഹം കോവിഡ് പരിശോധനഫലത്തിനും പോസ്റ്റ്മോർട്ടത്തിനും ശേഷം ബന്ധുക്കൾക്ക് കൈമാറും. ഭാര്യ: ചിത്ര. മക്കൾ: ജഗൻ, ജയലക്ഷ്മി.
