ഏറ്റുമാനൂര്: അതിരമ്പുഴയില് നിയന്ത്രണംവിട്ട ബൈക്ക് കാറിലിടിച്ച് യുവാവ് മരിച്ചു. അമലഗിരി നാല്പാത്തിമല നിരപ്പേല്പറമ്പില് ഷാജിയുടെയും സിന്ധുവിെൻറയും മകന് ഷാരോണ് ഷാജിയാണ് (21) മരിച്ചത്. ഏറ്റുമാനൂര്_-നീണ്ടൂര് റോഡില് കോട്ടമുറി ജങ്ഷന് സമീപത്തെ വളവില് രാവിലെ പത്തോടെയായിരുന്നു അപകടം. നീണ്ടൂരില്നിന്ന് വന്ന ബൈക്ക് നിയന്ത്രണം വിട്ട് എതിര്ദിശയില്നിന്ന് വന്ന കാറില് ഇടിക്കുകയായിരുന്നു. ഇടിയുടെ ആഘാതത്തില് ബൈക്കില്നിന്ന് തെറിച്ച് റോഡരികിലെ സ്ഥാപനത്തിെൻറ ഗേറ്റില് തലയിടിച്ചുവീണ ഷാരോണ് സംഭവസ്ഥലത്തുതന്നെ മരിച്ചു. മൃതദേഹം കോട്ടയം മെഡിക്കല് കോളജ് ആശുപത്രി മോർച്ചറിയില്.