വൈക്കം: ബൈക്ക് ഇടിച്ച് ഗുരുതര പരിക്കേറ്റ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിഞ്ഞ ഗൃഹനാഥൻ മരിച്ചു. വൈക്കം ചെമ്പ് ടോൾ പന്ത്രണ്ടിൽ രാജപ്പനാണ് (68) മരിച്ചത്. കഴിഞ്ഞ ഒന്നിനു വൈകുന്നേരം മറവൻതുരുത്ത് പഞ്ഞിപ്പാലത്തിനു സമീപമായിരുന്നു അപകടം. സൈക്കിളിൽ പോയ രാജപ്പനെ പിന്നിലൂടെ അമിത വേഗത്തിൽ വന്ന ബൈക്ക് ഇടിക്കുകയായിരുന്നെന്ന് പൊലീസ് പറഞ്ഞു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ് തലക്ക് ഗുരുതര പരിക്കേറ്റ രാജപ്പനെ നാട്ടുകാർ വൈക്കം താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിക്കുകയായിരുന്നു. കൂലിപ്പണിക്കാരനാണ്. ഭാര്യ: സുമതി. മക്കൾ: അനിത, അനുരാജ്. മരുമകൻ: അനൂപ്.