നെടുങ്കണ്ടം: കമ്പംമെട്ട് മുങ്കിപള്ളത്ത് ബി.ടെക് വിദ്യാർഥിനി കുളത്തിൽ ചാടി മരിച്ചു. കടുവാപ്പറമ്പിൽ ജിജോയുടെ മകൾ നീനയാണ് (25) മരിച്ചത്. ഞായറാഴ്ച രാവിലെ 11ഓടെയായിരുന്നു സംഭവം. നീനയെ വീട്ടിലാക്കി വീട്ടുകാർ പള്ളിയിൽ പോയിരുന്നു. മടങ്ങിയെത്തിയപ്പോൾ വീട്ടിലെ ജോലികൾ ചെയ്തിരുന്നില്ല. വഴക്കുപറഞ്ഞതിൽ മനംനൊന്ത് നീന വീട്ടിൽനിന്ന് ഇറങ്ങിപ്പോയി. കുറേക്കഴിഞ്ഞിട്ടും കാണാത്തതിനെത്തുടർന്ന് മാതാവ് നോക്കിയപ്പോൾ കുളത്തിൽ കണ്ടെത്തുകയായിരുന്നു. നാട്ടുകാരും വീട്ടുകാരും ചേർന്ന് പുറത്തെടുത്ത് സമീപത്തെ സ്വകാര്യ ആശുപത്രിയിലും പിന്നീട് വിദഗ്ധചികിത്സക്ക് പുറ്റടിയിലെ സ്വകാര്യ ആശുപത്രിയിലും കൊണ്ടുപോയെങ്കിലും രക്ഷിക്കാനായില്ല. സംഭവത്തിൽ കമ്പംമെട്ട് സി.ഐ ജി. സുനിൽകുമാറിെൻറ നേതൃത്വത്തിൽ കേസെടുത്ത് അന്വേഷണം ആരംഭിച്ചു.
