ചെറുതുരുത്തി: റിട്ട. എസ്.ഐയെ വീടിനു പിറകിൽ തൂങ്ങി മരിച്ച നിലയിൽ കണ്ടെത്തി. വെട്ടിക്കാട്ടിരി മന്തിയിൽ പരേതരായ കുട്ട്യാലിയുടെയും ഹലീമയുടെയും മകൻ മുഹമ്മദ് അബ്ദുൽ റഷീദാണ് (71) മരിച്ചത്. ഞായറാഴ്ച രാത്രി വീട്ടിൽ എത്താത്തതിനെ തുടർന്ന് അന്വേഷിച്ചപ്പോഴാണ് തൂങ്ങിയ നിലൽ കണ്ടെത്തിയത്. ഉടൻ താഴെയിറക്കി ചെറുതുരുത്തിയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. തൃശൂർ ജില്ലയിലെ വിവിധ സ്റ്റേഷനുകളിൽ പൊലീസ് കോൺസ്റ്റബിളായും എ.എസ്.ഐ ആയും ജോലി ചെയ്ത ഇദ്ദേഹം എസ്.ഐ ആയാണ് വിരമിച്ചത്. ഏറെക്കാലം തൃശൂർ അയ്യന്തോളിലായിരുന്നു താമസം. വിരമിച്ച ശേഷം സ്വദേശമായ വെട്ടിക്കാട്ടിരിയിൽ സ്ഥിരതാമസമാക്കി. ഭാര്യ: റിട്ട. അധ്യാപിക സൈനബ. മക്കൾ: മുഹമ്മദ് റോഷൻ, പ്യാരീഷ.