കോതമംഗലം: കാണാതായ പശുവിനെ തിരഞ്ഞ് പോയ വീട്ടമ്മയെ കാട്ടാന ചവിട്ടിക്കൊന്നു.
കുട്ടമ്പുഴ പഞ്ചായത്തിലെ മാമലക്കണ്ടം വാഴയിൽ കൃഷ്ണൻകുട്ടിയുടെ ഭാര്യ നളിനിയാണ് (52) കൊല്ലപ്പെട്ടത്. എളംബ്ലാശ്ശേരി ചപ്പാത്ത് ഭാഗത്ത് ബുധനാഴ്ച ഉച്ചയോടെയാണ് സംഭവം.
വനാതിർത്തിയോട് ചേർന്ന കൃഷിസ്ഥലത്ത് പശുവിനെ മേയാൻ വിട്ടിരുന്നു. കാണാതായപ്പോൾ തിരഞ്ഞ് ഭർത്താവും നളിനിയും രണ്ട് വഴിയിലുടെ നടക്കുന്നതിനിടെയാണ് ആക്രമണം. നളനിയെ ഏറെ സമയം കഴിഞ്ഞിട്ടും കാണാത്തതിനെത്തുടർന്ന് വീട്ടുകാർ നടത്തിയ തിരച്ചിലിലാണ് മൃതദേഹം കണ്ടെത്തിയത്. കുട്ടമ്പുഴ പൊലീസ് സ്ഥലത്തെത്തി മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. മക്കൾ: ഷിനോ, അഞ്ജു. മരുമക്കൾ: രമ്യ, പ്രദീപ്.