പാലാ: മകളുടെ വീട്ടിലെത്തിയ പിതാവ് കിണറ്റില് വീണ് മരിച്ചു. തീക്കോയി ഞണ്ടുകല്ല് പറത്തറയില് അശോകനാണ് (63) മരിച്ചത്. പാലാ മുത്തോലിയിൽ മകളുടെ വീട്ടിലായിരുന്നു അപകടം. ഒരാഴ്ചയായി അശോകന് ഇവിടെയുണ്ടായിരുന്നു. ബുധനാഴ്ച രാവിലെ 10നായിരുന്നു അപകടം. മരം മുറിക്കുന്നതിനിടെ ഉപയോഗശൂന്യമായ കിണറ്റില് വീഴുകയായിരുന്നു. പാലായില്നിന്ന് ഫയര്ഫോഴ്സെത്തി മൃതദേഹം പുറത്തെടുത്തു. മൃതദേഹം മെഡിക്കല് കോളജ് മോര്ച്ചറിയില്. ഭാര്യ: ശോഭന. മക്കള്: ആശ, അനിറ്റ, അനു. മരുമക്കള്: സുരേഷ്, സുനില്. സംസ്കാരം വ്യാഴാഴ്ച രണ്ടിന് വീട്ടുവളപ്പില്.