ചെങ്ങമനാട്: ഉറങ്ങിക്കിടന്ന യുവാവിനെ മരിച്ചനിലയിൽ കണ്ടെത്തി. ചെങ്ങമനാട് കുളവൻകുന്ന് കൃഷ്ണ ഭവനിൽ രാധാകൃഷ്ണെൻറ (റിട്ട. റെയിൽവേ) മകൻ ഹരികൃഷ്ണനാണ് (30) മരിച്ചത്. വ്യാഴാഴ്ച വൈകീട്ട് മൂന്നിന് ഉറങ്ങാൻകിടന്ന ഹരികൃഷ്ണനെ മണിക്കൂറുകൾക്കുശേഷം കട്ടിലിൽനിന്ന് വീണ് അവശനിലയിൽ കണ്ടെത്തുകയായിരുന്നു. ഉടൻ അങ്കമാലി താലൂക്ക് ആശുപത്രിയിൽ എത്തിച്ചെങ്കിലും മരിച്ചു. അമിതമായി മദ്യപിച്ചിരുന്നതായും മരണത്തിൽ ദുരൂഹതയില്ലെന്നും ചെങ്ങമനാട് പൊലീസ് പറഞ്ഞു. മൃതദേഹം കോവിഡ് പരിശോധനക്കുശേഷം വെള്ളിയാഴ്ച പോസ്റ്റ്മോർട്ടം ചെയ്യും. മാതാവ്: ഇന്ദിര (റിട്ട. ആരോഗ്യ വകുപ്പ്). സഹോദരൻ: ജയകൃഷ്ണൻ.