കട്ടപ്പന: വെള്ളിമലയിൽ മധ്യവയസ്കനെ കുളത്തിൽ മരിച്ചനിലയിൽ കണ്ടെത്തി. വണ്ടന്മേട് വെള്ളിമല മംഗളം എസ്‌റ്റേറ്റ് ലയത്തില്‍ താമസിക്കുന്ന പരമെന (60) വണ്ടന്മേട് വെള്ളിമലയിലെ സ്വകാര്യ എസ്‌റ്റേറ്റിെൻറ ഉടമസ്ഥതയിലുള്ള കുളത്തില്‍ വെള്ളിയാഴ്ച ഉച്ചയോടെയാണ് മരിച്ചനിലയിൽ കണ്ടത്. കുളിക്കാനിറങ്ങുന്നതിനിടെ കുളത്തിൽ വീണ് മരിച്ചതാണെന്നാണ് കരുതുന്നത്. കുളത്തിന് സമീപത്തുനിന്ന് ഇദ്ദേഹത്തിെൻറ വസ്ത്രങ്ങളും ചെരിപ്പും കണ്ടെത്തിയിരുന്നു. ഇദ്ദേഹം ഇടക്കിടെ കുളത്തില്‍ നീന്താന്‍ പോകാറുണ്ടായിരുന്നു. വണ്ടന്മേട് പൊലീസ് സ്ഥലത്തെത്തി മൃതദേഹം കട്ടപ്പന സെൻറ് ജോണ്‍സ് ആശുപത്രി മോര്‍ച്ചറിയിലേക്ക് മാറ്റി. കോവിഡ് ടെസ്റ്റിനുശേഷം പോസ്റ്റ്മോര്‍ട്ടം നടത്തി മൃതദേഹം ബന്ധുക്കൾക്ക് കൈമാറും. ഭാര്യ: ലക്ഷ്മി.
