കരുനാഗപ്പള്ളി: ബൈക്ക് നിയന്ത്രണംവിട്ട് പോസ്റ്റിലിടിച്ച് യുവാവ് മരിച്ചു. ആലപ്പാട് ചെറിയഴീക്കൽ കണ്ടത്തിൽ വീട്ടിൽ പ്രസാദ് (43) ആണ് മരിച്ചത്. ശനിയാഴ്ച രാത്രി കല്ലുംമൂട്ടിൽകടവ്-ആലുംകടവ് റോഡിലാണ് അപകടം. ഗുരുതര പരിക്കേറ്റ യുവാവിനെ ഉടൻതന്നെ കരുനാഗപ്പള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: സംഗീത. മക്കൾ പ്രണവ്, പ്രാർഥന. മൃതദേഹം ഗവ. ഹോസ്പിറ്റൽ മോർച്ചറിയിൽ. സംസ്കാരം തിങ്കളാഴ്ച.
