മണ്ണാർക്കാട്: പശുവിനെ രക്ഷിക്കാനുള്ള ശ്രമത്തിനിടെ മധ്യവയസ്കന് കിണറ്റില്വീണ് മരിച്ചു. പുല്ലിശ്ശേരി നമ്പിയംപടി കണ്ടാങ്കുളങ്ങര വീട്ടില് പൗലോസാണ് (തമ്പി -55) മരിച്ചത്. മതിലിനോട് ചേര്ന്ന കിണറിന് മുകളിലെ ഗ്രില്ലിൽ കയറിയ പശുവിനെ രക്ഷപ്പെടുത്തിയ ശേഷം ഗ്രില് ശരിയാക്കുന്നതിനിടെ പൗലോസ് കിണറ്റിലേക്ക് വീഴുകയായിരുന്നു. തിങ്കളാഴ്ച വൈകീട്ട് അേഞ്ചാടെയാണ് സംഭവം. ഇയാളെ രക്ഷിക്കാനായി ഇറങ്ങിയ ബേബി എബ്രഹാം, മത്തായി എന്ന വില്സന് എന്നിവരും 60 അടി താഴ്ചയുള്ള കിണറ്റിൽ കുടുങ്ങി. ഇവരെ അഗ്നിരക്ഷാസേന എത്തി കയറും വലയും ഉപയോഗിച്ച് രക്ഷപ്പെടുത്തുകയായിരുന്നു. സ്റ്റേഷന് ഓഫിസര് പി.ടി. ഉമ്മര്, സീനിയര് ഫയര് ആൻഡ് റെസ്ക്യൂ ഓഫിസര് പി. ഉമ്മര് എന്നിവരുടെ നേതൃത്വത്തിലായിരുന്നു രക്ഷാപ്രവര്ത്തനം.