പുതുനഗരം: പിതാവിനെയും മകനെയും വീട്ടിൽ മരിച്ചനിലയിൽ കണ്ടെത്തി. കൊടുവായൂർ വെമ്പല്ലൂർ തിരുവെമ്പല്ലൂരിൽ സുന്ദരൻ (80), മകൻ ഇന്ദു ജോഷ്വ (50) എന്നിവരാണ് മരിച്ചത്. ചൊവ്വാഴ്ച രാവിലെയാണ് ഇന്ദു ജോഷ്വയുടെ ഭാര്യ രണ്ടുപേരും രണ്ടു മുറികളിലായി മരിച്ചുകിടക്കുന്നത് കണ്ടതെന്ന് പുതുനഗരം പൊലീസ് പറഞ്ഞു. വിഷം അകത്തുചെന്നാണ് മരണമെന്നാണ് പൊലീസ് നിഗമനം. എട്ടുവർഷം മുമ്പ് കുഴൽമന്ദം കളപട്ടിയിൽനിന്ന് വന്നവരാണ് സുന്ദരനും കുടുംബവും. ഇന്ദു ജോഷ്വക്ക് ഇടക്ക് മാനസിക പ്രശ്നങ്ങളുണ്ടാവാറുള്ളതായി പറയുന്നു. മൃതദേഹം ജില്ല ആശുപത്രി മോർച്ചറിയിൽ. പുതുനഗരം സർക്കിൾ ഇൻസ്പെക്ടർ ആദംഖാെൻറ നേതൃത്വത്തിൽ അന്വേഷണം ആരംഭിച്ചു. സുന്ദരെൻറ ഭാര്യ: പരേതയായ രത്ന ശിരോമണി. മകൾ: ഇന്ദുപ്രിയ. മരുമകൻ: സുനിൽകുമാർ. ഇന്ദുജോഷ്വയുടെ ഭാര്യ: പ്രീത്. മകൾ: ആരാധ്യ.