കളമശ്ശേരി: വാഹനാപകടത്തിൽ പരിക്കേറ്റ് ചികിത്സയിലിരുന്ന കാൽനടക്കാരൻ മരിച്ചു. ഏലൂർ വടക്കുംഭാഗം ഡിപ്പോക്ക് സമീപം സൈന മൻസിൽ (വേവുകാട്) നാദിർഷായാണ് (66) മരിച്ചത്. സെപ്റ്റംബർ 30ന് എറണാകുളത്തായിരുന്നു അപകടം. തലക്കും കാലിനും ഗുരുതര പരിക്കേറ്റ നാദിർഷായെ ആദ്യം എറണാകുളത്തെ സ്വകാര്യ ആശുപത്രിയിലും പിന്നീട് മഞ്ഞുമ്മലിലെ സ്വകാര്യ ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ തിങ്കളാഴ്ച രാത്രി 12ഓടെയാണ് മരിച്ചത്. ഭാര്യ: സൈനബ. മക്കൾ: ഷാഹിൻ ഷാ (ഗൾഫ്), ഷിബിൻ ഷാ. മരുമക്കൾ: സഫ്ന, ഐഷ. മൃതദേഹം കളമശ്ശേരിയിലെ മെഡിക്കൽ കോളജ് ആശുപത്രി മോർച്ചറിയിൽ. ഖബറടക്കം ബുധനാഴ്ച ഏലൂർ മഹല്ല് ജമാഅത്ത് ഖബർസ്ഥാനിൽ.