കോങ്ങാട്: കുണ്ടളശ്ശേരി പട്ടത്തുപാറയിൽ കിണറ്റിൽ വീണ് പരിക്കേറ്റ വയോധിക മരിച്ചു. പരേതനായ മാധവനെഴുശ്ശെൻറ ഭാര്യ ജാനകിയാണ് (84) മരിച്ചത്. ബുധനാഴ്ച ഉച്ചയോടെയാണ് സംഭവം. പകൽ സമയത്ത് വീട്ടിൽ ഒറ്റക്ക് താമസിക്കുന്ന ജാനകി ആൾമറയില്ലാത്ത കിണറ്റിന് വക്കിൽ പുല്ലുചെത്തുന്നതിനിടെ അബദ്ധത്തിൽ കിണറ്റിലേക്ക് വീഴുകയാണുണ്ടായതെന്ന് പൊലീസ് പറഞ്ഞു. മക്കൾ: രാധ, ഉണ്ണികൃഷ്ണൻ, രാജഗോപാലൻ, ശാന്ത, രുഗ്മണി, ഗീത. മരുമക്കൾ: നാരായണൻ, പ്രേമലത, ലീല, ചന്ദ്രൻ, വേണുഗോപാലൻ, പ്രകാശൻ. ശവസംസ്കാരം വ്യാഴാഴ്ച രാവിലെ ഐവർമഠത്തിൽ.