വാളകം: വാഹനാപകടത്തിൽ പരിക്കേറ്റ് ചികിത്സയിലിരുന്ന ഗൃഹനാഥൻ മരിച്ചു. പൊലിക്കോട് കാർത്തികയിൽ അശോക്കുമാർ (56) ആണ് മരിച്ചത്. 2019 ഡിസംബർ 17 നായിരുന്നു അപകടം. പൊലിക്കോട് ജങ്ഷനിൽ ബേക്കറി നടത്തിയിരുന്ന അശോക്കുമാർ കടയടച്ച് സ്കൂട്ടറിൽ വീട്ടിലേക്ക് പോകവെ പിന്നാലെ വന്ന ബൈക്ക് ഇടിച്ചുതെറിപ്പിക്കുകയായിരുന്നു. തലക്ക് ഗുരുതര പരിക്കേറ്റ് വെഞ്ഞാറമൂട് സ്വകാര്യ മെഡിക്കൽ കോളജ് ആശുപത്രിയിലും തുടർന്ന്, വെല്ലൂർ മെഡിക്കൽ കോളജ് ആശുപത്രിയിലും ഇപ്പോൾ ആറുമാസമായി അബോധാവസ്ഥയിൽ വീട്ടിലും ചികിത്സയിലായിരുന്നു. ശനിയാഴ്ച രാത്രിയാണ് മരിച്ചത്. ഭാര്യ: ദീപ. മക്കൾ: അശ്വതി, ആകാശ്.
