ഓച്ചിറ: നിയന്ത്രണംവിട്ട ഓട്ടോ ഇടിച്ച് സൈക്കിൾ യാത്രികൻ മരിച്ചു. തഴവ വടക്കുംമുറി കിഴക്ക് കൊച്ചിയ്ക്കാത്തറയിൽ സുധാകരൻ (64) ആണ് മരിച്ചത്. ശനിയാഴ്ച വൈകീട്ട് ഏഴോടെയാണ് സംഭവം.
വവ്വാക്കാവ്- മണപ്പള്ളി റോഡിൽ കറുത്തേരിമുക്കിന് സമീപമുള്ള പിച്ചിനാട്ടു മുക്കിൽ റോഡരികിൽ നിന്ന സുധാകരനെ ഓട്ടോ ഇടിക്കുകയായിരുന്നു. ഭാര്യ: ദേവകി. മക്കൾ: സുനിൽകുമാർ (ആർമി), സുജിത്ത് (ബഹ്റൈൻ). മരുമക്കൾ: ശോഭ (കൊച്ചി കോർപറേഷൻ), അഞ്ജു (അധ്യാപിക, ജി.എൽ.പി.എസ് അയിരൂർ, പത്തനംതിട്ട). ഓച്ചിറ പൊലീസ് കേസെടുത്തു.
