പട്ടാമ്പി: ചെർപ്പുളശ്ശേരി റോഡിൽ കരിമ്പുള്ളി ഇറക്കത്തിൽ ബസും ഓട്ടോയും കൂട്ടിയിടിച്ച് രണ്ടുപേർ മരിച്ചു. ഓട്ടോയാത്രക്കാരായ ചൂരക്കോട് പറക്കുന്നത്ത് സുരേഷ് കുമാറിെൻറ ഭാര്യ ഷജിമോൾ (42), ചെറുകോട് കാരിയാട്ടുവളപ്പിൽ രാമെൻറ മകൻ രാജഗോപാൽ (50) എന്നിവരാണ് മരിച്ചത്. പരിക്കേറ്റ ഓട്ടോഡ്രൈവർ അബ്ദുൽ റഷീദ്, ഓട്ടോ യാത്രക്കാരി പ്രിയങ്ക എന്നിവരെ പെരിന്തൽമണ്ണയിലെ സ്വകാര്യ ആശുപത്രികളിൽ പ്രവേശിപ്പിച്ചു. വല്ലപ്പുഴയിൽനിന്ന് പട്ടാമ്പിയിലേക്ക് വരുകയായിരുന്ന ഓട്ടോറിക്ഷയും ചെർപ്പുളശ്ശേരിയിലേക്ക് പോവുകയായിരുന്ന സ്വകാര്യ ബസും വെള്ളിയാഴ്ച രാവിലെ പത്തോടെയാണ് കൂട്ടിയിടിച്ചത്. ഓട്ടോയിൽ വഴിക്കിടയിൽനിന്ന് കയറിയവരാണ് അപകടത്തിൽപെട്ടത്. ഷജിമോളുടെ മക്കൾ: സ്നേഹ, പ്രണവ്. രാജഗോപാലിെൻറ ഭാര്യ: മിനി. മക്കൾ: ജിഷ്ണു രാജ്, ജിതിൻ രാജ്, ജിനിഷ.