ഗാന്ധിനഗർ (കോട്ടയം): എറണാകുളം ഗവ. മെഡിക്കൽ കോളജ് ആശുപത്രി അസ്ഥിരോഗ വിഭാഗം മേധാവി കോവിഡ് ബാധിച്ച് മരിച്ചു. കോട്ടയം പത്തനാട് മുണ്ടത്താനം ഇടിക്കുളപ്പാറ ഡോ. ഇ.സി. ബാബുകുട്ടിയാണ് (60) മരിച്ചത്. ഒന്നര മാസത്തിലേെറയായി പ്രമേഹത്തെത്തുടർന്ന് കൊച്ചി ആസ്റ്റർ മെഡ്സിറ്റിയിൽ ചികിത്സയിലായിരുന്നു. ഇതിനിടെ, കോവിഡ് ബാധിതനുമായി. വ്യാഴാഴ്ച ആരോഗ്യനില അതിഗുരുതരമാകുകയും രാത്രി 11.30ന് മരിക്കുകയുമായിരുന്നു.കോട്ടയം മെഡിക്കൽ കോളജ് ആശുപത്രിയിൽ അസ്ഥിരോഗ വിഭാഗം മേധാവിയായി നിയമിച്ചുള്ള വിജ്ഞാപനം വ്യാഴാഴ്ച ആരോഗ്യ വിദ്യാഭ്യാസ വകുപ്പ് അധികൃതർ പുറപ്പെടുവിച്ചിരുന്നു. ഇതിനിടയിലാണ് മരണം. വെള്ളിയാഴ്ച മൃതദേഹം എറണാകുളം ഗവ. മെഡിക്കൽ കോളജിൽ പൊതുദർശനത്തിനുശേഷം വൈകീട്ട് നാലിന് പത്തനാട് മുണ്ടത്താനത്തെ കുടുംബവീട്ടിൽ സംസ്കരിച്ചു. ആലപ്പുഴ മെഡിക്കൽ കോളജ് അനസ്തേഷ്യ വിഭാഗത്തിെല ഡോ. ലതയാണ് ഭാര്യ. മകൻ: ഡോ. ദീപക് ബാബു.