മൂന്നാര്‍: നല്ലതണ്ണി ഐ.ടി.ഡി തൊഴിലാളി ശക്തിവേൽ (40) കോവിഡ് ബാധിച്ച് മരിച്ചു. െപെല്‍സ്, പ്രമേഹം, തൈറോയ്ഡ് തുടങ്ങി അസുഖങ്ങള്‍ക്ക് ചികിത്സയിലായിരുന്നു. രണ്ടുദിവസം മുമ്പ് കടുത്ത പനി അനുഭവപ്പെട്ടു. തുടര്‍ന്ന് വീട്ടിൽ നിരീക്ഷണത്തിലായി. ഞായറാഴ്ച പുലര്‍ച്ച രണ്ടിന് അസുഖം മൂർച്ഛിച്ചതിനെത്തുടര്‍ന്ന് മൂന്നാര്‍ ജനറല്‍ ആശുപത്രിയിൽ എത്തിച്ചെങ്കിലും നാലുമണിയോടെ മരിച്ചു. സ്രവ പരിശോധനയിലാണ് കോവിഡെന്ന് കണ്ടെത്തിയത്. ഭാര്യ: സുനിത. മക്കള്‍: അനീഷ്, ഷമി, ഡെനീഷ. കോവിഡ് പ്രോട്ടോകോള് പ്രകാരം മൃതദേഹം സംസ്‌കരിക്കും. മേഖലയെ ഹോട്ട് സ്‌പോട്ടാക്കുമെന്ന് ആരോഗ്യവകുപ്പ് അധികൃതര്‍ പറഞ്ഞു.
