പാലാ: കടനാട് ഗ്രാമപഞ്ചായത്തില് യു.ഡി.എഫ് സ്ഥാനാര്ഥിക്കുവേണ്ടി വീട് കയറി പ്രചാരണത്തില് പങ്കെടുത്ത യുവാവ് ഹൃദയാഘാതം മൂലം മരിച്ചു. കൊടുമ്പിടി എള്ളുംകാലായില് സുഭാഷാണ് (35) മരിച്ചത്. കടനാട് പഞ്ചായത്തിലെ എട്ടാം വാര്ഡ് യു.ഡി.എഫ് സ്ഥാനാര്ഥി മണിക്കുട്ടി സന്തോഷിനൊപ്പം പ്രചാരണം നടത്തുകയായിരുന്ന ഇയാള് വീട്ടിലെത്തി ഉച്ചഭക്ഷണം കഴിച്ചശേഷം വിശ്രമിക്കുമ്പോള് കുഴഞ്ഞുവീഴുകയായിരുന്നു. സമീപത്തെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. പെയിൻറിങ് തൊഴിലാളിയാണ്. മൃതദേഹം പാലാ ജനറല് ആശുപത്രി മോർച്ചറിയിൽ. കോവിഡ് പരിശോധനക്കുശേഷം ഇന്ന് പോസ്റ്റ്മോര്ട്ടം നടത്തും. ഭാര്യ: മേരി. മക്കള്: സാം, സാന്ദ്ര.