മുണ്ടക്കയം: മാതാപിതാക്കൾക്കൊപ്പം സ്കൂട്ടറിൽ സഞ്ചരിച്ച ആറുവയസ്സുകാരൻ കാറിടിച്ച് മരിച്ചു. മാതാപിതാക്കൾക്ക് പരിക്ക്. പുലിക്കുന്ന് ആഞ്ഞിലിമൂട്ടിൽ സന്ദീപിെൻറ മകൻ സഞ്ജയ് സന്ദീപാണ് (കുട്ടാപ്പി-ആറ്) മരിച്ചത്. പരിക്കേറ്റ സന്ദീപ് (33), ഭാര്യ അനു (27) എന്നിവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഞായറാഴ്ച വൈകീട്ട് 7.30ഓടെ വൈ.എം.സി.എക്ക് സമീപം എതിരെവന്ന കാർ സ്കൂട്ടറിൽ ഇടിക്കുകയായിരുന്നു. മുണ്ടക്കയത്ത് നിന്ന് കാഞ്ഞിരപ്പള്ളി ഭാഗത്തേക്കു വന്ന കാർ മറ്റൊരു വാഹനത്തെ മറികടക്കുന്നതിനിടയിലാണ് അപകടം.
അനുവിെൻറ പാറത്തോട്ടിലെ വീട്ടിൽ പോയി മടങ്ങുകയായിരുന്നു കുടുംബം. സഞ്ജയ്യുടെ മൃതദേഹം കാഞ്ഞിരപ്പള്ളി താലൂക്ക് ആശുപത്രി മോർച്ചറിയിൽ.