കോയമ്പത്തൂർ: ‘ശാന്തി ഗീർസ്’ കമ്പനി സ്ഥാപകനും ‘ശാന്തി സോഷ്യൽ സർവിസ്’ ട്രസ്റ്റിയുമായ പി. സുബ്രഹ്മണ്യൻ (78) നിര്യാതനായി. വാർധക്യസഹജമായ രോഗങ്ങൾ മൂലം സ്വകാര്യ ആശുപത്രിയിൽ ചികിത്സയിൽ കഴിയവെ വെള്ളിയാഴ്ച രാവിലെയായിരുന്നു അന്ത്യം. വിദ്യാഭ്യാസ-ആേരാഗ്യ-ഭക്ഷ്യമേഖലയിലും അടിസ്ഥാന വികസനരംഗത്തും ഒേട്ടറെ ജീവകാരുണ്യ പ്രവർത്തനങ്ങൾക്ക് നേതൃത്വം നൽകി. സിംഗാനല്ലൂരിൽ ഇദ്ദേഹം സ്ഥാപിച്ച കാൻറീനിൽ പ്രതിദിനം 300ഒാളം വയോധികർക്ക് സൗജന്യമായും പൊതുജനങ്ങൾക്ക് കുറഞ്ഞ നിരക്കിലുമാണ് ഭക്ഷ്യവസ്തുക്കൾ നൽകുന്നത്. ശാന്തി കെയർ ആശുപത്രിയിലും സൗജന്യ നിരക്കിലാണ് ചികിത്സയും മരുന്നുകളും. ഇദ്ദേഹത്തിെൻറ ഉടമസ്ഥതയിലുള്ള പെട്രോൾ ബങ്കിൽ സ്റ്റോക് നിരക്കിലും കൃത്യമായ അളവിലും വിൽപന നടത്തിയിരുന്നതിനാൽ 24 മണിക്കൂറും വാഹനങ്ങളുടെ നീണ്ട നിര കാണാനാവും. സൗജന്യ വൈദ്യുതി ശ്മശാനവും ഇദ്ദേഹം സ്ഥാപിച്ചു. ദിവസവും ലക്ഷങ്ങളുടെ സൗജന്യ സേവനം ലഭ്യമാക്കുേമ്പാഴും ഇദ്ദേഹം വാർത്താമാധ്യമങ്ങളിൽ പ്രത്യക്ഷപ്പെടാൻ താൽപര്യപ്പെട്ടിരുന്നില്ല.