വാളയാർ: എക്സൈസ് ചെക്ക് പോസ്റ്റിന് സമീപം നിർത്തിയിട്ട ലോറിയിൽ ടിപ്പർ ഇടിച്ച് രണ്ടുപേർ മരിച്ചു.കൊടുങ്ങല്ലൂർ താണിക്കപറമ്പിൽ രാജെൻറ മകൻ രാജേഷ് (40), തമിഴ്നാട് കലൂർ വീരരാജപേട്ട ഷൺമുഖെൻറ മകൻ കുളന്തവേൽ എന്നിവരാണ് മരിച്ചത്. ശനിയാഴ്ച പുലർച്ച 2.30നാണ് അപകടം. ടിപ്പർ ഇടിച്ചതിനെ തുടർന്ന് മുന്നിലുണ്ടായിരുന്ന ലോറി മുമ്പോട്ട് നീങ്ങി മറ്റൊരു ലോറിയുടെ പിറകിൽ ഇടിക്കുകയായിരുന്നു. രണ്ടാമത്തെ ലോറിയുടെ ഡ്രൈവർ കുളന്തവേൽ രേഖകൾ കാണിക്കുന്നതിന് പുറത്തിറങ്ങി നിൽക്കുമ്പോഴാണ് അപകടം. ഗുരുതര പരിക്കേറ്റ ഇയാളെ ആശുപത്രിയിൽ എത്തിച്ചെങ്കിലും മരിച്ചു. രാജേഷ് അപകട സമയത്ത് ടിപ്പറിൽ ഉറങ്ങുകയായിരുന്നു. കഞ്ചിക്കോട് അഗ്നിരക്ഷ സേന സ്ഥലത്തെത്തി ഒന്നര മണിക്കൂറത്തെ പരിശ്രമത്തിനൊടുവിൽ ടിപ്പറിെൻറ മുൻഭാഗം തകർത്ത് രാജേഷിനെ പുറത്തെടുത്തപ്പോഴേക്കും മരിച്ചിരുന്നു. ഒന്നാമത്തെ ലോറിയിലുണ്ടായിരുന്ന തേനി പെരിയകുളം ചെമ്പലത്തുപെട്ടി സ്വദേശി ബാലന് (45) തെറിച്ചുവീണ് പരിക്കേറ്റു. ടിപ്പർ ഒാടിച്ച കൊടുങ്ങല്ലൂർ സ്വദേശി അഭിജിത്തിനും കാലിന് പരിക്കുണ്ട്. കഞ്ചിക്കോട് അഗ്നിരക്ഷാ സേനയിലെ ഷമീർ, സുബിൻ, മുകേഷ്, രാമചന്ദ്രൻ ചെന്താമരാക്ഷൻ എന്നിവരാണ് രക്ഷാപ്രവർത്തനം നടത്തിയത്. വാളയാർ പൊലീസ് കേസെടുത്തു.