വെഞ്ഞാറമൂട്: കാറിടിച്ച് ബൈക്ക് യാത്രികനായ കടയുടമ മരിച്ചു. വെഞ്ഞാറമൂട് ശ്രീകൃഷ്ണ സ്പെയര് പാർട്സ് ഉടമ ചടയമംഗലം പോരേടം കൗസ്തുഭത്തില് രാമചന്ദ്രന് നായര് (57) ആണ് മരിച്ചത്. ശനിയാഴ്ച വൈകീട്ട് മൂന്നിന് എം.സി. റോഡില് കീഴായിക്കോണത്തായിരുന്നു അപകടം. കാരേറ്റ് ഭാഗത്തുനിന്ന് രാമചന്ദ്രന് നായര് വന്ന ബൈക്കില് എതിര്ദിശയില്നിന്ന് വന്ന കാര് ഇടിക്കുകയായിരുന്നു. നാട്ടുകാര് പരിക്കേറ്റയാളെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു. പിന്നീട്, സ്വകാര്യ ആശുപത്രിയിലേക്ക് മാറ്റിയെങ്കിലും രാത്രി ഏഴു മണിയോടെ മരിച്ചു. വെഞ്ഞാറമൂട് പൊലീസ് ഇന്ക്വസ്റ്റ് നടത്തിയ മൃതദേഹം പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടു നൽകി. ഭാര്യ: മിനിമോള്. മകന് ശ്രീഹരി.