കല്ലമ്പലം: സ്കൂട്ടർ മറിഞ്ഞ് പരിക്കേറ്റ വീട്ടമ്മ മരിച്ചു. ഞാറയിൽകോണം അമ്പിളിമുക്കിന് സമീപം ആലുകുഴി കുന്നുംപുറത്ത് വീട്ടിൽ ശ്രീകണ്ഠെൻറ ഭാര്യ ഗീതാകുമാരി (54) ആണ് മരിച്ചത്. ഒപ്പമുണ്ടായിരുന്ന അമ്പിളിമുക്ക് കുന്നിൽ വീട്ടിൽ റീന (40) തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്. വെള്ളിയാഴ്ച ഉച്ചക്ക് മൂന്നിന് കരിമ്പുവിളമുക്കിന് സമീപമായിരുന്നു അപകടം. ഇരുവരും സ്കൂട്ടറിൽ റേഷൻ വാങ്ങാനായി പോകുകയായിരുന്നു. മറ്റൊരു വാഹനത്തെ മറികടക്കവേ റോഡിലെ കുഴിയിൽവീണ് സ്കൂട്ടർ മറിയുകയായിരുന്നു. റോഡിൽ തലയിടിച്ച് ഗുരുതര പരിക്കേറ്റ ഗീതാകുമാരിയെ തിരുവനന്തപുരം മെഡിക്കൽ കോളജ് ആശുപത്രിയിലും തുടർന്ന് സ്വകാര്യ ആശുപത്രിയിലും പ്രവേശിപ്പിച്ചെങ്കിലും രക്ഷിക്കാനായില്ല. ശനിയാഴ്ച രാത്രിയോടെ മരിച്ചു. പോസ്റ്റ്മോർട്ടത്തിനുശേഷം ഞായറാഴ്ച വൈകീട്ടോടെ സംസ്കരിച്ചു. റോഡിെൻറ ശോച്യാവസ്ഥയാണ് അപകടത്തിന് കാരണമെന്ന് നാട്ടുകാർ പറഞ്ഞു. റീനയാണ് സ്കൂട്ടർ ഓടിച്ചിരുന്നത്. കളിയിക്കാവിള പാലിയോട് സ്വദേശിനിയാണ് മരിച്ച ഗീതാകുമാരി. കാൽനൂറ്റാണ്ടായി ഇവിടെ വാടകക്കാണ് താമസം. ടാപ്പിങ് തൊഴിലാളിയാണ്. മക്കൾ: ശ്രീകാന്ത്, ശ്രീഗീത്. സഞ്ചയനം വ്യാഴാഴ്ച രാവിലെ 8.30ന്.