പുനലൂർ: മൂന്നു ദിവസം മുമ്പ് കാണാതായ മത്സ്യ വ്യാപാരിയുടെ മൃതദേഹം കല്ലടയാറ്റിൽ കണ്ടെത്തി.
തൊളിക്കോട് ഷെൽവി മന്ദിരത്തിൽ ശ്രീകുമാറിെൻറ (43) മൃതദേഹമാണ് തൊളിക്കോട് ഫയർ സ്റ്റേഷന് സമീപത്തെ കടവിൽ ബുധനാഴ്ച രാവിലെ പത്തോടെ കണ്ടത്.
പവർഹൗസ് ജങ്ഷനിൽ മത്സ്യവും പച്ചക്കറിയും വ്യാപാരം നടത്തി വരുകയായിരുന്നു. 19ന് രാത്രി എട്ടു മുതലാണ് ശ്രീകുമാറിനെ കാണാതായത്. ബന്ധുക്കൾ പുനലൂർ പൊലീസിൽ പരാതി നൽകിയതിനെ തുടർന്ന് കേസെടുത്ത് അന്വേഷണം നടത്തി വരുകയായിരുന്നു.
പുനലൂർ സ്റ്റേഷൻ ഹൗസ് ഓഫിസർ ബിനു വർഗീസിെൻറ നേതൃത്വത്തിൽ ഇൻക്വസ്റ്റ് തയാറാക്കി. മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുകൊടുത്തു.
ഭാര്യ: ശ്രീകല. മകൻ: ശ്രീഗണേശ്
