പാലാ: സ്കൂട്ടറിടിച്ച് പരിക്കേറ്റ് ചികിത്സയിലായിരുന്ന കുറുമണ്ണ് ഈറ്റോലില് ദേവസ്യാ (77) മരിച്ചു. 28ന് പുലര്ച്ച ആറോടെ കുറുമണ്ണ് ജങ്ഷനിലായിരുന്നു അപകടം.ടൗണിലെത്തി ചായ കുടിച്ചശേഷം റോഡ് മുറിച്ചു കടക്കവേ പാലാ ഭാഗത്തുനിന്ന് അതിവേഗത്തിെലത്തിയ സ്കൂട്ടര് നിയന്ത്രണം വിട്ട് ഇടിക്കുകയായിരുന്നെന്ന് ദൃക്സാക്ഷികള് പറഞ്ഞു. ഉടന് പാലാ ജനറല് ആശുപത്രിയിലും തുടര്ന്ന് കോട്ടയം മെഡിക്കല് കോളജിലെത്തിച്ചെങ്കിലും ചൊവ്വാഴ്ച വൈകീട്ടോടെ മരിക്കുകയായിരുന്നു. അവിവാഹിതനാണ്. സഹോദരങ്ങള്: മേരി, ചിന്ന, പരേതനായ കുട്ടി, വര്ക്കി, വിന്സെൻറ്.