മക്കരപറമ്പ്: മക്കരപ്പറമ്പ് മുപ്പത്തിയാറ് പുണർപ്പ സമൂഹ ജങ്ഷനുസമീപം നാല് വാഹനങ്ങൾ കൂട്ടിയിടിച്ച് സ്കൂട്ടർ യാത്രികൻ മരിച്ചു. മക്കരപറമ്പ് അമ്പലപ്പടിയിലെ പള്ളിയാലിൽതൊടി കുഞ്ഞിമുഹമ്മദാണ് (69) മരിച്ചത്. വ്യാഴാഴ്ച വൈകീട്ട് നാലിന് ചാറ്റൽ മഴക്കിടെ കാറും ഓട്ടോയും ബൈക്കും സ്കൂട്ടറുമാണ് കൂട്ടിയിടിച്ചത്. കുഞ്ഞിമുഹമ്മദ് സംഭവസ്ഥലത്തുതന്നെ മരിച്ചു. മറ്റു വാഹനങ്ങളിലുള്ള മൂന്നുപേർക്ക് നിസ്സാര പരിക്കേറ്റു. കുഞ്ഞിമുഹമ്മദിെൻറ ഭാര്യ: പാത്തുകുട്ടി. മക്കൾ: അബ്ദുൽ കരീം (സൗദി), ഹസൻ, ഹുസൻ, അസ്ലം (മൂന്നുപേരും ഓട്ടോ ഡ്രൈവർമാർ), സുഹറാബി, ആയിശാബി. മരുമക്കൾ: ഫൗസിയ (വറ്റലൂർ), ജമീല (പഴമള്ളൂർ), സലീന (പാങ്ങ്), സുമയ്യ (വടക്കേമണ്ണ), അബ്ദുൽ മജീദ് (കരിഞ്ചാപ്പടി), അഷ്റഫ് (ഇരുമ്പുഴി). മങ്കട പൊലീസ് മേൽനടപടി സ്വീകരിച്ചു. നിയമ നടപടികൾക്കുശേഷം മക്കരപറമ്പ് മഹല്ല് ജുമാമസ്ജിദ് ഖബർസ്ഥാനിൽ ഖബറടക്കും.
